သဇိုင္နဲကဲပေရင္စန္ဒက္

၁။ ဗီုပဿိက္ေဇှာ္ လတူပေရင္စန္ဒက္

မှိဟ္ကႝုမှိဟ္ ဘပဠၐုက္တက္ ေကတ္ဇှးညးတအ္သဿးကီု၊ ကႝုစှအာဟာရ အေခါင္အရာနာနာတဲု ဗီုဇကုႏြံပဿိက္ ေဖ်ံဏာဗီု ကႝုေကၜာန္ဗက္အာဂွ္ အာဍာ္ဇမၜိင္ဟြံမာန္ရ။ ပေရင္ဍာံျပဟြံေသင္။ နကႝုလညာတ္သမၲီ ညးဟြံေစွ္စိုတ္ ညးဟြံဒုင္တဲမၢး သီုကေလင္ ဒစႝုဒစးကၜဳင္ လတူဇကုဏီေရာင္။ ဟိုတ္ဂွ္ရ မှိဟ္ဂွ္ ေတာ္လၸာ္ဝါတ္မၢး ထိင္ဒဝ္ဝါတ္ႏူ သတ္တိရိစၧာန္ဏီရ။ ၐိုန္ဂွ္ေလဝ္ ညံင္ညးဂြံေစွ္စိုတ္ ဂြံကၜိဳဟ္ကၜးဒုင္ေကတ္တဲ ေသာင္ကလးထၞးကႝုမာန္မၢး ဟြံဒးထိင္ ဗီုသတ္တိရိစၧာန္ ဟြံဒးဗက္ေစှာန္ထၞးဒဿံင္ဖအိုတ္ ဗီုဇကုႏြံပဿိက္ဂွ္ ညးေကၜာန္ကႝုေရာင္။ ဟိုတ္ဂွ္ရ ရံင္နကႝုသဿာစန္ဒက္ခိုဟ္မြဲမၢး ထိင္ဒဝ္ရပ္စပ္ေလာဲကႜင္ ဆဂးဟြံဒုင္ကေရပ္ဓရတ္ ဟြံဒုင္အုပ္ဓလီုကႜင္ေရာင္။ ပၜန္ဂတးမဂးဂွ္ နကႝုတၜအေစာန္မြဲၐါဓဝ္ ေကၜာန္စိုပ္တရဵမာန္ ေကတ္ဇှးမာန္ဟြံေသင္ နကႝုျဇဟတ္ ညးဍဳင္ကြာန္ေဟင္ ေကတ္ေပဲါအံင္ဇှးမာန္ရ။ ဝင္မြဲမြဲဂွ္ နကႝုျဇဟတ္ညးဍဳင္ကြာန္ေဟင္ ၿပံင္သၜာဲမာန္ရ။ ပ႙ုဂြံဗတိုက္ေဖ်ံ ညးမဂြံလဝ္ အဝႝုမာန္ဂွ္ ပေရင္စန္ဒက္ပ႙ု ဒးခိုဟ္္၊ ဒးတဵတက္၊ ဒးသၜဲလး ႏူညးမဂြံလဝ္ အဝႝုဏီေရာင္။ ေပဲါဗတိုက္မြဲမြဲက်ကုီ ဇှးကုီဂွ္ တန္တဵလတူ စရာဲပှာန္၊ အလံုပၜန္ဂတးမြဲ။ ဟုီမြဲသာ္ပၜန္ က်ကုီဇှးကုီဂွ္ တန္တဵဒဿံင္ လတူပေရင္စန္ဒက္ေရာင္။ ညးဍဳင္ကြာန္တအ္ ကၜိဳဟ္ကၜးထံက္ဂလာန္ ဗိုင္လုပ္ကၜဳင္ ကေရာံပ႙ုဗြဲမဂၜိဳင္ေဟင္ ျဇဟတ္ပ႙ု ေဇှာ္သၜဳင္ကၜဳင္တဲု ဗတိုက္ေဖ်ံဗက္ေထာံသှမာန္ေရာင္။ ဟိုတ္ဂွ္ရ က်ကီု ဇှးကီုဂွ္ ျဇဟတ္မကႝုသၢဳတ္သြာတ္မာန္ဂွ္ ႏြံပႜဲညးဍဳင္ကြာန္တံေရာင္။ ဂြံတံင္ၿဂဲ ညးဍဳင္ကြာန္ ဗြဲမဂၜိဳင္မာန္ဂွ္ ဒးဒုင္သဇိုင္ လတူပေရင္စႝုဒှာ မင္မြဲပတဲုဖႝု ညးတအ္ (ဝါ) ဂၜံင္တရဵပေရင္စန္ဒက္ဍာံေရာင္။ လတူဂၜံင္တရဵပေရင္စန္ဒက္ဍာံဂွ္ပၜန္ နကႝုနဲကဲ ပေရင္စန္ဒက္နာနာ လုပ္စိုပ္ ပႜဲညးတအ္ ဗြဲမသၜဲလးေဟင္ ညးတအ္ပါလုပ္ ကၜဳင္ကႝုျဒဟတ္ေဇှာ္ေဇှာ္မာန္ေရာင္တဲု ပ႙ုၐွ္ပလွ္ေကတ္ ပကဵအံင္ဇှးမာန္ေရာင္။

ဗုီညးတာလ်ိဳင္ ေဗာ္ဍဳင္မန္တဿိ အာဆုႝဂဗ ခ်ပ္ဂှန္ ကုညးဍဳင္ကြာန္ ေကုာံ ခမ႘သင္။

၂။ တင္နင္သဇိုင္ မဒးေသာင္ကလးစန္ဒက္

မှိဟ္တအ္ဝြံ ပေရင္စသုင္မံင္စံင္ ဗိုက္လတက္ ေကုာံ အေခါင္ဗၜးၐးဂွ္ ႏြံပဿိက္ေဇှာ္အိုတ္ရ။ ပေရင္စသုင္မံင္စံင္ ဗိုက္လတက္တအ္ဝြံ ဘဝမှိဟ္သြက္ဂြံဂ်ိဳင္တဵ ႏြံပဿိက္တဲု အေခါင္ဗၜးၐးမၢးဂွ္ စိုပ္ကႝုပေရင္ဂကူ ဟြံဒးဒုင္ သဿဝ္အဝႝုၾသဇာ ဂကူညးတှဟ္တဲု ဘဝဂကူညး ညးဖန္ဖက္မာန္ကုီ၊ စပ္ကုႝပေရင္ဂၜာဲပိုန္ျဒပ္ ညံင္ဟြံဒးဒုုင္အုပ္ဓလီု ေရက္ကးေျဇာတ္ဆီတုဲ သြက္ဂြံသၜဲလးတုိန္ကုီ၊ စပ္ကုႝအေခါင္မှိဟ္၊ ဒ႘မဝ္ကေရသ႘ သၜးပြးကုီတအ္။ ဟုီမြဲဗုီပၜန္မၢး မှိဟ္တုပ္ပ္ အေခါင္အရာဒးတုပ္ပ္ရ။ အေခါင္မှိဟ္တုပ္ဂွ္ ဒွ္အေခါင္စကာအရာ ကတ္ေဗၲာန္ လိက္ပတ္၊ ေဇှာ္ပဿဝ္ေယန္သှာင္ဂကူဇက၊ု အေခါင္ဂၜာဲျဒပ္၊ အေခါင္ဟုီဂး ခ်ဴဇန္ဒက္ဂေကာံ၊ ေရွ္ေသွ္ရဵဂဵတအ္ ဟြံပၚကဆံင္မှိဟ္ စြံတုပ္သဿဟ္တအ္ရ။ စပ္ကႝု အေခါင္အရာဂကူမြဲမြဲ ကဆံင္မှိဟ္မြဲမြဲ ယဝ္ရ ပေရင္ဒးဒုင္ပႜႝဳပႜိဳက္ ေရက္ကးေျဇာတ္ဆီႏြံမၢး ညံင္ညးတအ္ဂြံံကၜးဂွ္ ဟုိုတ္သာ္လႝု ညးတံဒးဒုင္ပႜႝဳပႜိဳက္ ေရက္ကးႏြံဂွ္ သဒးကလးထၞးကႝုေရာင္။ ဆႝုဂကူမန္ ေကုာံ ဂကူမဒးဒုင္ပႜႝဳပႜိဳက္ဒဿံင္တအ္မၢး ဗီုဂကူေကာန္ဍဳင္အေရင္တအ္ ဒးဒုင္ပႜႝဳပႜိဳက္ဒဿံင္ သဿဝ္တဲအလႝုအသ႘ပှာန္ ဝါဒ႘မဟာဂကူနာနာတအ္ဂွ္ ဒးစြံအဓိက ေသာင္ကလးကႝုေရာင္။ ဆႝုသဿာကေမၜာန္၊ သဿာဗၛ၊ သဿာဗှိက္တအ္မၢး ဗီုညးတအ္ ဒးဒုင္အုပ္ဓလီု ေရက္ကးဒဿံင္ ပႜဲအရာကေမၜာန္ပိုန္ျဒပ္ သဿဝ္တဲအလႝုအသ႘တၛဲဏအ္ကီု ဆႝုသင္စပ္ကႝုသင္၊ ဆႝုကြးဘာ စပ္ကႝုကြးဘာ၊ သာ္လႝုညးတအ္ သီုပေရင္ဂကူ သီုကဆံင္ကြပ္မှိဟ္ညးတအ္ မဒးဒုင္ပႜႝဳပႜိဳက္ဒဿံင္ဂွ္ ဇကုဒးေသာင္ကလးကႝုေရာင္။ ေသာင္ကႝုသာ္ဂွ္မာန္မၢး စန္ဒက္ညးတံ စိုပ္တရဵမာန္ရ။ စိုပ္ကႝုပေရင္ဂကူ ၿဇိဳဟ္ဟ္နက္က္ ဒးေသာင္ကုႝေရာင္။ မုဟိုတ္ေရာဟီုမၢး အလႝုအသ႘ မ-ဆ-လ/နအဖ တအ္ကီု၊ သီုေဗာ္ပၜန္ဂတး ကဆံင္မှိဟ္လၛႝဳတအ္ဂွ္ ပှဳက္ေကၜံဝါဒမဟာဂကူညးတအ္ စြံကႜိဳပ္ကႝုကဆံင္မှိဟ္တဲု နဲနာနာ ဗၞမ္ငၛိတ္ဒဿံင္ ဂကူတှဟ္သၟာင္ရ။ ေဗာ္ပ႙ုေလဝ္ ေဖ်ံလဝ္ဂၜံင္တရဵ တိုပ္လဝ္သဇိုင္ပေရင္ဂကူအဓိကေရာင္။ ညးဍဳင္ကြာန္တအ္ဂွ္ နကႝုပေရင္ဂကူ ဒးဒုင္ပႜႝဳပႜိဳက္ဂွ္ေလဝ္ ညးတအ္ညာတ္ကၜးဒဿံင္တဲု စန္ဒက္ေလာဲသြာေရာင္။ ပၜန္ဂတးပ႙ုဂွ္ ဒုင္သဇိုင္ ကုပေရင္ဂကူတဲု ကၜဳတ္ပၚေဇှာ္ကၜဳင္၊ ဂၜံင္တရဵေဗာ္ဂွ္ေလဝ္ ကဆံင္မှိဟ္နာနာ ပံင္ပေကာံလဝ္ သဿဝ္အလာံဂကူတဲု သြက္ဂကူဂြံဗၜးၐး စသုင္ဂြံသၜဲလးတဲု လးလဝ္ဂၜံင္တရဵ ဒ႘မဝ္ကေရသ႘ေကာန္ဂကူရ။ လၲဴသဇိုင္ဂၜံင္တရဵေဗာ္ဇကုဂွ္ေလဝ္ ညံင္ဟြံေဗၜတ္တိတ္ ဒးေသာင္ကလးေရာင္။ တှဟ္ႏူဂွ္ပၜန္ အေခါင္ညးတအ္ ဒးေဟာံၿဗံဒဿံင္ ညံင္ဂြံကေလင္ဂြံဂွ္ သာ္လႝုဒးေကၜာန္ နဲကဲေကၜာန္တံဂွ္ ဒးေသာင္ထၞးကႝုပၜန္ေရာင္။ ၐိုတ္ကဆံင္ ညးေကၜာန္မာန္ ညံင္ညးတအ္ ဂြံေကၜာန္ကၜဳင္ ဂြံေကၜာန္လဝ္ဂြံ ဒးကႝုနဲကဲ လဵထၞးကႝုေရာင္။ မြဲအဆက္ဓဝ္ ပၜန္ဂတးပ႙ု ရန္တဿအ္ႏြံသာ္လႝု သြက္ဂြံေကတ္ဇှးမာန္ ေဖ်ံလဝ္ဗီုကေမၜာန္သာ္လႝု ႏြံသာ္လႝု ဒုင္ေကတ္ဒဒိုက္ သၜးေကၜံလမ်ီဳဂုဏ္ဖႝုဇကု ၐိုတ္လႝုႏြံတဲု ေကၜာန္ဒဿံင္သြက္ညးတအ္ဂွ္ ဒးေသာင္ကလးကႝုေရာင္။ သဘာဝမှိဟ္တအ္ဝြံ ဇဿာပ္ပ္မှိဟ္ ႏြံပဿိက္ကႝု အေခါင္သၜးၐး ကဆံင္တုပ္ ဟြံဒးဒုင္ေရက္ကး၊ ဟြံဒးဒုင္လီဠာန္၊ မိက္ဂြံေဇှာ္ေမာဝ္အာ အဓာန္ဂတ ဖအိုတ္ရ။ ဘဝညးတအ္ ဗီုမဒးဒုင္ပႜႝဳပႜိဳက္ဒဿံင္ဂွ္ေလဝ္ ညးတအ္ကၜး၊ နဲကဲေကၜာန္ဂွ္ေလဝ္ ညးတအ္တီ၊ မှိဟ္ေကၜာန္ဒဿံင္ သြက္အေခါင္အရာညးတအ္ ဒုင္ဒဿံင္ဒဒိုက္ ေကၜာန္ဒဿံင္ ဍာံဍာံဂွ္ေလဝ္ ညးတအ္ကၜး၊ ဟိုတ္ႏူပၜန္ဂတးႏြံတဲု အေခါင္အရာ ၐိုတ္ေထက္ႀကိဳက္ ညးတအ္ဂြံဒုင္စသိုင္ ႏြံဒဿံင္ပၜန္မၢး ညးတအ္ကႝုကၜဳင္ျဇဟတ္ ေကတ္ကၜဳင္တာလ်ိဳင္ သၸကၜဳင္သမၲီ ညံင္ရဵေကင္ကာညးတအ္ကီုတဲု ကတႝုေကၜာန္ကၜဳင္မာန္ေရာင္။

ဗုီညးတာလ်ိဳင္ေဗာ္ဍဳင္မန္တဿိ ပံင္ေတာဲ ကုဂေကာံသဿတ္မန္ ေဒသနာနာတုဲ ေကၜာန္တၛဲပၜန္ဂတးမန္တုဲ ပေသာင္ဒဿံင္ဂၜံင္တရဵပၜန္ဂတး။

သြက္ဂြံစန္ဒက္ ႏြံဒှာဲနာနာ

ဆႝုဂဗကႝု ပူဂႝုမြဲမြဲကႝုဒွ္ မှိဟ္မြဲဂေကာံကႝုဒွ္ အေဃာမသ႘ကၜ႘ဒဿံင္ စပ္ကႝုေကင္ကာ ပေရင္ကေမၜာန္ညးတအ္ဂွ္တဲု စပ္ကႝု ေကင္ကာဂွ္ ဗီုလႝုညးတအ္ ဒးဒုင္ပႜႝဳပႜိဳက္ဒဿံင္ သဿဝ္တဲအလႝုအသ႘တၛဲဏအ္တအ္ဂွ္ ဆက္စပ္တဲု ဒးေသာင္ကလးကႝုေရာင္။ ႏူညးတအ္ စိုတ္လုပ္စကၜဳင္မၢး သၜဲပတိတ္တဲု ဆက္ေသာင္ကလးအာ အခန္တှဟ္ဟ္ဂြံရ။

ဥပမာ ။ ။ ပႜဲကႝုဝိုင္သဿာဗၛတအ္မၢး ဗီုလႝုအလႝုအသ႘တအ္ ေရက္ကးဒဿံင္၊ ဘဝသဿာဗၛတအ္ ဒွ္ဒဿံင္ဘဝဍိက္ ညံင္ရဵေခတ္ပေဒသရာဇ္ တၜတိေႀတံတအ္ကီုတဲု မြဲသှာံမြဲကဆံင္ ဗီုလႝုသၜဳင္ပတိုန္ ပေရင္ေရက္ကးကီုဂွ္ ဂပ္ဝ္ဒးပေသာင္ ကုႝညးတအ္ေရာင္။ ငၛဳဟ္ေၾသာံမပတိတ္ဍဳင္မၛး ကႝုငၛဳဟ္မရာန္ပႜဲသဿာဗၛ ပတိတ္ဏာပရဲ ဂၜိဳင္ကႝုဆတအ္ဂွ္ ဒးေသာင္ဗစိုပ္ဏာေရာင္။

အေရဝ္ခိုဟ္ တင္နင္ခိုဟ္ ႏြံကႝုငၛဳဟ္မးတအ္ဂွ္ ပႜဲမြဲဒှာဲဟီုလဝ္မြဲအလန္ဓဝ္တဲု လၸေဒါအ္ေထာအ္ညိ။ စိုပ္ဒှာဲတှဟ္ အခိင္တှဟ္ ထပ္ဟီုပၜန္ညိ။ ဂလာန္မြဲမြဲဂွ္ ဟီုတဲုဟီုပၜန္ ဟီုဂၜိဳင္ကႝုဝါမၢး မှိဟ္မိင္တအ္ဂွ္ ပၚပဲါဒးတဲု ၿဇိဳဟ္နက္ကၜဳင္ေရာင္။ ညးဍဳင္ကြာန္ ဓမၼတာတအ္ဂွ္ ဆအယာံမာတ္ဟုီမြဲဝါဂွ္ သမၲီမာန္ဖအိုတ္ဟြံေသင္ ေစာဲလုပ္ကႜိဳပ္ဖအိုတ္ ဟြံေသင္ဏီရ။ ဂလာန္မြဲမြဲ မိင္ဂၜိဳင္ကႝုဝါ သံသယ သၟးဇၛး ကၜးဖႜးၿဇိဳဟ္နက္တုဲ ေစာဲလုပ္ပႜဲကႜဟ္ညးတအ္မာန္ေရာင္။

နဲဂြံေဖ်ံဗီုပေရင္စန္ဒက္

ပေရင္စန္ဒက္မၢးဂွ္ ဆၐိုတ္လဵထၞးဟီုကလးကႝုဓဝ္ ဟြံဍိဳက္ေပင္ဏီရ။ ေကာန္ဂကူ ဂေကာံမှိဟ္ ကဆံင္မှိဟ္ ကြပ္မှိဟ္မြဲမြဲ ဂြံတံင္ၿဂဲဂြံဂွ္ အေခါင္အရာ ဂုဏ္ဖႝုညးတအ္ ညံင္ေသၢာံႏြံဂွ္ နတဲနဇိုင္ ဗီုလႝုဇကုဖန္ဖက္ကႝုမာန္ေရာင္ ဆႝုနမတ္တဲုမၢး ဗီုဇကုထၞးကႝုဂၜံင္ဂွ္ ေကၜာန္ဗက္ကၜဳင္ေရာင္။ အေခါင္အရာညးတအ္ ဗီုလႝုမဒးေဟာံၿဗံဒဿံင္ ညးလႝုပလီုပလာ္ဒဿံင္ ညံင္ေသၢာံေကႅင္ဂြံမာန္ နဲကဲသာ္လႝုဒးေကၜာန္ နဲကဲဂြံေကၜာန္အာ ကဆံင္ကဆံင္တအ္ဂွ္ ညံင္ညးတအ္ဂြံကၜး ဒးေသာင္ထၞးကႝုတဲု ညံင္ညးတအ္ ဂြံေကၜာန္အာ ဗဿံက္အာ႐ုပ္ရဵမာန္ဂွ္ ဒးပံက္ကႝုဂေကာံေရာင္။ ပံက္ကႝုဂေကာံဂွ္ ပေကာံပတိုန္ စပ္ကႝုမှိဟ္ဂမၜိဳင္ ဘဝတုပ္တအ္တဲု သဿာစန္ဒက္ေဗာ္တအ္ဝြံ ေဖ်ံဗီုစန္စက္ ေသာင္ကလး ညံင္ေသၢာံေကၜာအ္ကႜဆက္ေဆာံ ကုညးတအ္ေလာဲေလဝ္ဒွ္ေရာင္။ မြဲသာ္ပၜန္ ညးတအကႝုညးတအ္ ဂြံေကၜာံကႜ ထိင္ဒဝ္စန္ဒက္ ဗမံက္႐ုပ္ရဵကေမၜာန္မာန္ဂွ္ နကႝုဂေကာံဟြံေသင္ ေကၜာန္ဟြံဂြံရ။ အကာဲအရာတၛဲဏအ္ ပႜဲဍဳင္ကြာန္ေကာန္ဂကူပ႙ု သြက္ဂြံပေကာံ သဿတ္တအ္မာန္ဂွ္ ဂေကာံေဝယ်ာဝစၥ၊ ဂေကာံေဝင္ျဇဟတ္၊ ဂေကာံဝုတ္ဗၜာဲ ဗီုေထက္ႀကိဳက္ ဒုင္ေကတ္ယဿဳမြဲတဲု ပံက္ပတိုန္ဂြံရ။ သြက္ဂြံစန္ဒက္ တၜပညာ၊ တၜကြတ္၊ ပူဂႝုမဆာန္ဂကူတအ္မာန္ဂွ္ ဂေကာံလိက္ပတ္၊ ဂေကာံေယန္သှာင္တအ္ ပံက္ကႝုဂပ္ဝ္ရ။ သြက္ဂြံစန္ဒက္ သဿာဗၛတအ္မၢး ဂေကာံေၾသာံဟင္၊ ဂေကာံငၛးတိတဿိ၊ ဂေကာံသဿာဗၛ ဗီုေထက္ႀကိဳက္ ႐ဲုပံက္မာန္ရ။ စပ္ကႝုကြပ္မှိဟ္နာနာ တအ္မၢး လတူကေမၜာန္ညးတအ္တုပ္သဿဟ္ဂွ္ ဒုင္သဇိုင္တဲု ဂေကာံအၥာဘာ၊ ဂေကာံသင္၊ ဂေကာံတမၛာတအ္ ပံက္ကႝုမာန္ရ။ ဂေကာံႏြံတဲုမၢး ရပ္စပ္လတူကႜိဳပ္ဂေကာံတအ္တဲု တံင္ၿဂဲကၜဳင္မၢး ပါကၜဳင္သီုစန္ရ။

အခါပံက္ဂေကာံတအ္မၢး ရန္တဿအ္ဂေကာံဂွ္ သြက္ဂြံဒွ္အာ ဂုဏ္ဖႝုညးတအ္ ဒးႏြံေရာင္။ ဂုဏ္ဖႝုျပဟ္ဟ္ ဗီုလႝုႏြံ၊ ဂုဏ္ဖႝုဍာ္ဇမၜိင္ ဗီုလႝုႏြံ ညးတအ္ဒးကၜး ဒးေစွ္စိုတ္ေရာင္။ ဂြံဒွ္သဇိုင္ေဗာ္၊ ဗတိုက္ေဖ်ံ ညးပႜႝဳပႜိဳက္ဂကူ အေရဝ္တအ္ဏအ္ဂွ္ သိုက္က္မြဲဝါညိညိ ဗီုဂပ္ဝ္ ေထက္ႀကိဳက္ ညံင္ဟြံေစွ္အာ လီစကာကႝု ကေမၜာန္ေဗာ္ဂွ္ ဒးဟီုေရာင္။ ဒွ္ဂုဏ္ဖႝုညး ညးဟြံညာတ္မၢး ညးညာတ္ကၜဳင္ ဂုဏ္ဖႝုေဗာ္သက္က္ႏြံတဲု ေဗာ္ကႝုကေမၜာန္မၢး စိုတ္ဓါတ္ညးတအ္ ဂြံဂစာန္ေကၜာန္ ဂေကာံညးတအ္ဂွ္ ေအာန္ေစွ္အာေရာင္။`

ေကာံဓ႐ီုဂေကာံ

၁။ ဇဿာပ္ကေမၜာန္မြဲမြဲ စေကၜာန္မၢး ဂေကာံကႜိဳက္ပ္သဿးဒွ္ဒွ္ သီုအလံုေကာန္ဂေကာံဒွ္ဒွ္ ဒးခ်ပ္စေရာင္။

၂။ ဂေကာံကႜိဳက္ပ္တအ္ဂွ္ ဓမၼတာ (၂) ဂိတုမြဲဝါတဲု သီုအလံုဂေကာံမြဲဂွ္ (၆) ဂိတုမြဲဝါ ဒးေကာ္ေကာံဓ႐ီုေရာင္။

၃။ ေကာန္ဂေကာံ (၃) ဂအံု (၁) ဂအံု အာတ္ကၜဳင္မၢး ဒးသၸကႝုေကာံဓ႐ီုေရာင္။

၄။ နဲဂြံဗမံက္႐ုပ္ရဵကေမၜာန္ဂွ္ ဒးခ်ပ္စ ပႜဲေကာံဓ႐ီုေရာင္။

၅။ ေကၜာန္ကေမၜာန္ ေကင္ကာေဇှာ္မြဲတဲုမၢး ယုတ္ေဒက္သာ္လႝု၊ အံင္ဇှးသာ္လႝုႏြံဂွ္ ဒးပတိုန္ထၞး သၛ႘ဂၜိပ္ပၚပဲါ ပႜဲေကာံဓ႐ီုေရာင္။

၆။ ဒးေသာင္ကလး စရင္ၾသန္ေရာင္။

၇။ ဂလာန္ေကာန္ဂေကာံ မိက္ဂြံပတိုန္ထၞးပၚပဲါႏြံတအ္ဂွ္ ဟြံဒွ္ပလီုပေရင္ည႘သဿဟ္ဂေကာံမၢး ဒးကႝုအေခါင္ ပတိုန္ထၞးေရာင္။

၈။ ျပသှာေဇှာ္ေဇှာ္ႏြံမၢး၊ ဒးေသာင္ကလး ညးသၠအ္ေရာင္။

၉။ သြက္ဂေကာံဂြံခိုဟ္ဂွ္ ဒးခ်ပ္စညးသၠအ္ေရာင္။

၁၀။ ဆႏၵညးဂမၜိဳင္ဂွ္ ဒးဗက္တဲု ဆႏၵမှိဟ္ေအာန္ဂွ္ ဒးသၸသမၲီေရာင္။

လတူဂေကာံပံက္လဝ္နာနာတအ္ဂွ္ ဟြံလအ္ဟြံလအ္ ဒးအာဆႝုဂဗ ကႝုျဇဟတ္၊ ကႝုပညာ၊ ယဝ္ရအခက္အခုဲအပႜဲဂေကာံညးတအ္ႏြံမၢး ဗိုင္ေသာင္ကလးကႝု နကႝုပေရင္ဍဳင္ကြာန္ ဒးႏြံေရာင္။ ႏြံပဿိက္ကၜဳင္မၢး အ႐ီုအဗင္နကႝု႐ုပ္ဝတၴဳေလဝ္ ၐိုတ္ေထက္ႀကိဳက္ ဂပ္ဂဝ္ဒးကႝုေရာင္။ ေဗာ္ဗိုင္ေသာင္ကၜဳင္မၢး ဂြံကၜဳင္ျဇဟတ္ စိုတ္ထတ္ကၜဳင္ေရာင္။ ညးကႜိဳက္ပ္ဂေကာံတအ္သဿး ေကာ္တဲုကႝုပညာေတဿင္ သၜာဲဂတးနဲကဲ၊ ပေရင္ဆႝုဂဗတအ္ ဒးေကၜာန္ကႝုေရာင္။ ႏူဂွ္႐ဲုစွ္ညးစှးတဲု ပႜဲကႝုဗဟႝု၊ ခ႐ိုင္၊ ဘာသာပေရင္ဍဳင္ကြာန္ႏြံမၢး ကႝုတိုန္ဘာပေရင္ဍဳင္ကြာန္ဒွ္ဒွ္ ကႝုဆႝုသ႘ကၜ႘ ကုကႜိဳပ္သၠိဳပ္ေဗာ္တအ္ဒွ္ဒွ္ ဒးသၸကႝုေရာင္။ မှိဟ္မအာကႜိဳပ္ဂေကာံ ေကာန္ဂေကာံတအ္ ကၜိဳဟ္ကၜးေစွ္စိုတ္ လတူေဗာ္မၢး ဒွ္ကၜဳင္အ႐ီုအဗင္ ျဇဟတ္ေဗာ္ဖအိုတ္ေရာင္။ လတူမှိဟ္မကႝုလဝ္ပညာေတဿင္တအ္ဏအ္ဂွ္ ႐ဲုစွ္မှိဟ္မေစွ္စိုတ္ လတူကေမၜာန္ေဗာ္ ဍာံဍာံတဲု ေကာ္ဆႝုမြဲတဲုမြဲ တှဟ္ျခာ သၸေကဒါ မှိဟ္သဇိုင္ေဗာ္္ ကေတာဝ္မတ္ ဇိုင္တဲေဗာ္ဂြံရ။ ပႜဲဍဳင္ကြာန္ အကာဲအရာေတဿင္ ကႝုဒုင္စ႘ေရင္ ဖန္ဇန္ဂြံရ။

အခါပံက္ဂေကာံမၢး တင္နင္သြက္ဂြံထၞးဗြဲခမှန္

၁။ ပံက္ဂေကာံသဿတ္မၢး

(က) သြက္ဂြံသၜဳင္ဗတိုန္ ဗလမသုန္သာ္။

(ခ) သြက္ဂြံမင္မြဲ ဆာန္ကဿိန္ေရင္သၠအ္။

(ဂ) သြက္ဂြံမင္မြဲပေလဝ္ပေလတ္ပတိုန္ ဍဳင္ကြာန္ဇကု။

(ဃ) သြက္ဂြံေကၜာန္ကာကုသႝု ေဝယ်ာဝစၥက်ာ္ဘာ။

(ငၛ) သြက္ဂြံမင္မြဲ ထိင္ဒဝ္အာ လိက္ပတ္ေယန္သှာင္ဂကူ။

၂။ ဂေကာံသဿာဗၛ

(က) သြက္ဂြံဗၜးတိတ္ႏူ ညးတမ္႐ိုဟ္တအ္ မေရက္ကးေျဇာတ္ဆီမာန္၊ ပေကာံေၾသာံ၊ ပေကာံၾသန္။

(ခ) အခါယဲဒိုက္ ဒွ္အခက္အခဲုမၢး သြက္ဂြံ႐ီုဗင္ညးသၠအ္ နကႝုကေမၜာန္။

(ဂ) အခါဒွ္ ဝါတ္ဂါတ္ေဇြာအ္မမၢး သြက္ဂြံဒေလအ္ၾသန္ဂေကာံ (ဝါ) ေၾသာံဂေကာံ။

(ဃ) သြက္ဂြံသၜဳင္ပတိုန္ကဆံင္ ပေရင္တႝုလြ႘ဂွ္ ကတ္လၛတ္ပညာ သ႘ကၜ႘လညာတ္ ရာန္သြံကေပါတ္ မစပ္ကႝု ဒွ္႐ီုဗင္ညးဂမၜိဳင္။  (ဥပမာ။ ။ စက္တံင္ဍာ၊ ေစာဝ္ဟစတ္ဂဥဳဲ၊ ကာထဲတိမပၲံကႝုနာနာ။)

(ငၛ) သြက္ဂြံပံင္ေကၜာန္ ပႜဲအရာဒွ္ဂုဏ္ဖႝုညးဂမၜိဳင္ ( ဥပမာ။ ။ ၐံက္မရံင္၊ တက္ကဿိန္။)

၃။ ဂေကာံသင္၊ ဂေကာံအၥာဘာ၊ ဂေကာံတမၛာ

(က) သြက္ဂြံပေကာံစြံၾသန္ဂေကာံတဲု ဒေမၜအ္႐ီုဗင္ညးသၠအ္။

(ခ) သြက္ဂြံသၜာဲဂတးလညာတ္ ကႝုနဲကဲညးသၠအ္။

(ဂ) ဒွ္ဒဒိုက္ညးမြဲမြဲမၢး သြက္ဂြံ႐ီုဗင္ညးသၠအ္။

(ဃ) သြက္ဂြံဆာန္ကဿိန္ညးသၠအ္။

(ငၛ) သြက္ဂြံသၜဳင္ပတိုန္ ဘဝဇကု။

၄။ ဂေကာံတှဟ္တှဟ္။

ဂေကာံေဝယ်ဝစၥ၊ ဂေကာံေဝင္ျဇဟတ္၊ ဂေကာံလိက္ပတ္ေယန္သှာင္ ဒုင္သဇိုင္ကႝု ကေမၜာန္မြဲဓဝ္ရတဲု လတူကေမၜာန္ မြဲဂွ္ေဟင္ ညံင္ဂြံစိုပ္တရဵ ကႝုနဲကဲ ပညဳင္ထၞးဂၜံင္တရဵမၢး ႐ုံဂပ္မာန္ကီုရ။

ဂေကာံကႜိဳက္ကႜိဳပ္

၁။ ပံက္ဂေကာံမြဲမြဲမၢး ဒး႐ုဲစွ္လဝ္ ဂေကာံကႜိဳက္ပ္မြဲေရာင္။ ရံင္ကႝု ေကာန္ဂေကာံတဲု (၃) (၅) (၇) (၉) တၜ ၐိုတ္ေထက္ႀကိဳက္ ဒးစြံလဝ္ေရာင္။

၂။ ပႜဲဂေကာံကႜိဳက္ပ္ဂွ္ ဥကၠ႒၊ ညးအုပ္ကာ၊ ညးဂိုင္ၾသန္၊ ညးစဿတ္စရင္တအ္ ဒး႐ဲုစြံေရာင္။ မှိဟ္ဂၜိဳင္မၢး ဒု-ဥကၠ႒၊ ဒု-ညးအုပ္ကာတအ္ ဒးစြံလဝ္ေရာင္။

၃။ မြဲသှာံမြဲဝါ နကႝုဆႏၵညးဂမၜိဳင္ ဒး႐ုဲစွ္ပတိုန္ဂေကာံကႜိဳက္ပ္ေရာင္။

 ၄။ ကၜာဟြံေပင္သှာံ ဂေကာံကႜိဳက္ပ္ယအ္အာမၢး ဒး႐ုဲဗေပင္စုတ္ေရာင္။

၅။ ေကာန္ဂေကာံဖအိုတ္ဂွ္ ဒးကလင္အေရဝ္ဂေကာံကႜိဳက္ပ္ေရာင္။

၆။ ဖန္ဇန္ကေမၜာန္မြဲမြဲမၢး ပႜဲဂေကာံကႜိဳက္ပ္ဂွ္ ဒးခ်ပ္ညးသၠအ္တဲု ဒးဗက္စ ဆႏၵလၸာ္မှိဟ္ဂၜိဳင္ေရာင္။

၇။ ေကာန္ဂေကာံတအ္ မိက္ဂြံပတိုန္ဂလာန္မၢး ဒှာဲေထက္ႀကိဳက္ဂွ္ ဒးကႝုအေခါင္ ပတိုန္ထၞးေရာင္။

၈။ ေကတ္တာလ်ိဳင္ကႜိဳက္ပ္ ဟြံမာန္မၢး ဒးပတိုန္ထၞးႏုက္တိတ္တဲု ဒးကႝုအေခါင္ ႐ုဲပတိုန္တဿိေရာင္။

တာလ်ိဳင္ဥကၠ႒

၁။ ဒးပၜတရဵ အလံုမြဲဂေကာံေရာင္။

၂။ ရန္တဿအ္ညံင္ေသၢာံစိုပ္ဂွ္ ဒးကႜိဳက္ပ္ဖန္ကႝုအာေရာင္။

၃။ ေစဝ္ေပှာန္ညံင္ေသၢာံဗိုန္ဗတ္ဂွ္ ဒးထိင္ဒဝ္ ေကာန္ဂေကာံတအ္ေရာင္။

၄။ ပေရင္ည႘သဿဟ္ပႜဲဂေကာံ ညံင္ေသၢာံႏြံဂွ္ ဒးလြ႘ေရာင္။

၅။ ျပသှာဒွ္မၢး ကႜိဳက္ကႜိဳက္တဲု ဒးေသာင္ကလးေရာင္။

တာလ်ိုဳင္ညးအုပ္ကာ

၁။ တင္ရန္တဿအ္ဂေကာံကႜိဳက္ပ္တအ္ မေဖ်ံလဝ္ဂွ္ ညံင္ဂြံဒွ္ ဒးျပဳေျပင္ေရာင္။

၂။ တင္ေစှာန္ဥကၠ႒ဂွ္ ဒးဗမံက္႐ုပ္ရဵေရာင္။

၃။ ပေရင္ကေမၜာန္နာနာ ညံင္ဂြံဒွ္ဂွ္ ဒးေဗၢတ္စက္ေရာင္။

၄။ တင္ဝါတ္ဂါတ္နာနာ ျပသှာနာနာဂွ္ ဒးပတိုန္ထၞး ခ်ပ္စကႝု ဥကၠ႒ေရာင္။

၅။ သၸေကာံဓ႐ီုမၢး တင္နင္သၵးခ်ပ္စတအ္ဂွ္ ဒးပေကာံပတိုန္ထၞးတဲု တင္သၢဳတ္သြာတ္တအ္ဂွ္ ဒးခ်ဳသမၲီေရာင္။

တာလ်ိုဳင္ညးဂိုင္ၾသန္

၁။ ၾသန္ဂေကာံသီုဖအိုတ္ဂွ္  သီုစရင္ ဒးဂိုင္ေဒပ္လဝ္ေရာင္။

၂။ စရင္ၾသန္လုပ္တိတ္သေရာပ္ဂွ္ ဒးေကၜာန္လဝ္ေရာင္။

၃။ စပ္ကႝုပေရင္ၾသန္ ဒးခ်ပ္ကႝု ဥကၠ႒၊ ညးအုပ္ကာတအ္ေရာင္။

တာလ်ိဳင္ေကာန္ဂေကာံ

၁။ ဇကုဇကု ဒး႐ီုဗင္မင္မြဲညးသၠအ္ေရာင္။

၂။ ကေမၜာန္ဂေကာံနာနာတအ္ဂွ္ ဒးေကၜာန္ သီုစိုတ္၊ သီုစ႐ိုတ္ေရာင္။

၃။ ဒးဟီုဂးဆက္ေဆာံညးသၠအ္ ဗြဲမေယန္သှာင္ေရာင္။

၄။ ေကာန္ဂေကာံတအ္ ညံင္ဂြံည႘သာတဲု လဿိဟ္မှိဟ္ညံင္ဂြံဂၜိဳင္ဂွ္ ဒးလြ႘ေရာင္။

၅။ ေစဝ္ေပှာန္ဂေကာံ၊ ေစဝ္ေပှာန္ဍဳင္ကြာန္၊ အခိုက္အလိုက္ဍဳင္ကြာန္ဂွ္ ဒးေ႐ွ္ေသွ္ေရာင္။

၆။ ဒးေ႐ွ္ေသွ္ ဂေကာံကႜိဳက္ပ္ဇကုေရာင္။

ေစဝ္ေပှာန္ေကာန္ဂေကာံတအ္ သြက္ဒးမင္မြဲ

၁။ ဒးကလင္အေရဝ္ ညးလ်ိဳင္ဂေကာံကႜိဳက္ပ္တအ္ေရာင္။

၂။ ၾသန္ဂေကာံဂွ္ ဒးစုတ္လဿိဳန္ေရာင္။

၃။ ဟိုတ္ဖႝုေဇှာ္ ဟြံကတႝုဒွ္မၢး ကေမၜာန္ဂေကာံဂွ္ ဒးေကၜာန္ဗီုညးတှဟ္ကီုေရာင္။

၄။ ဇကုကႝုဇကု ၐုင္တက္လက္ခ်ဵညးသၠအ္ ဟြံဂြံ၊ ျပသှာဒွ္မၢး ပတိုန္ထၞးကႝု ညးကႜိဳက္ပ္ တာလ်ိဳင္ႏြံတအ္ေရာင္။

၅။ ေကတ္အေခါင္ခိုဟ္ လတူပေရင္ဂေကာံတဲု ပတိတ္ပရဲ သြက္ဇကုဟြံဂြံ။

၆။ သိကၡာဂေကာံ ညံင္ဂြံေစွ္ ပဟြံဂြံ

ဒုဟ္ပတိတ္ႏူဂေကာံ

၁။ ၾသန္ဂေကာံဟြံစုတ္ ယုတ္ဒက္ေပင္ (၃)ဝါမၢး။

၂။ ဟိုတ္ဖႝုေဇှာ္ပႜဲဇကုဟြံမြဲဟြံေကၜာန္ကေမၜာန္ဂေကာံ ေပင္(၃)ဝါမၢး။

၃။ ဟြံကလင္တင္ေစှာန္ထၞး ညးတာလ်ိဳင္ ေပင္ (၃)ဝါမၢး။

၄။ ပြမပလီုသိကၡာဂေကာံေဇှာ္ေဇှာ္ ေကၜာန္ဒးမၢး။

၅။ ဒွ္ဒုဟ္ရာဇဝတ္ေဇှာ္ေဇှာ္မြဲမြဲမၢး ဒးပတိတ္ေထာအ္ႏူဂေကာံေရာင္။

ပႜဲဒွ္တိဍာ္ ၾသဇာသှကႝုဇကု သှဵရဵတအ္ဂွ္ မှိဟ္ဇကုမပလဝ္ကေတာဝ္မတ္တအ္ဂွ္ ညးတှဟ္ဟြံတီမၢး ခိုဟ္အိုတ္ရ။ ဂတညးတှဟ္မၢး ဗီုျပင္ ကေမၜာန္ထၞး႐ုပ္ရဵဂွ္ေဟင္ ဓမၼတာ ဒးဆက္ေဆာံအာေရာင္။ ပႜဲတိဍာ္ ၾသဇာသှတဵတအ္မၢး မှိဟ္မပသဇိုင္ဇကုဂွ္ ပႜဲဂေကာံမပံက္လဝ္တအ္ တာလ်ိဳင္ေဇှာ္ေဇှာ္ လၸကႝုေကတ္၊ ဆက္ေဆာံကုေဗာ္ေလဝ္ ဒးပှဳက္ေကၜံလဝ္ေရာင္။ သြက္ဂေကာံ ေဇှာ္ေမာဝ္တိုန္ ဌာန္ဂတဂွ္ ေကာန္ဂေကာံဓမၼတာဒွ္ဒွ္၊ မှိဟ္မပလဝ္ ကေတာဝ္မတ္ေဗာ္တအ္ဒွ္ဒွ္၊ မှိဟ္ဇကု ကဆံင္ဇကု ညံင္ဂြံဒွ္တိုန္ဂၜိဳင္ ေဖ်ံကုိန္စ႘ဇန္ ဇဿာပ္မှိဟ္ ကႝုဂစာန္စန္ဒက္အာပၜန္မၢး (ဥပမာ - မှိဟ္မြဲဂွ္ စန္ဒက္ေကတ္ မှိဟ္မသုန္) မှိဟ္ဂၜိဳင္တိုန္ဒဿံင္လဿိဳန္ေရာင္။ ကြာန္တှဟ္ဟ္ေလဝ္ ဂေကာံညံင္ဂြံဒွ္ကၜဳင္ ဒးကႝုေဍံတအ္ ဆဝ္ဗၛဳဟ္အာေရာင္။

ပႜဲတိဍာ္ ၾသဇာသှတဵတအ္မၢး ညံင္ဂြံဆက္ေဆာံဆႝုဂဗညးသၠအ္ေလာဲသြာ ဂေကာံမပံက္ဂြံဂွ္ ပံက္ထၞး႐ုပ္ရဵမြဲမြဲတဲု စပ္ကႝု ပေရင္ဍဳင္ကြာန္၊ ပေရင္ပၜန္ဂတး၊ ပေရင္ေဗာ္တအ္ဂွ္ နကႝုမှိဟ္စိုတ္ဆာန္ဂကူတအ္ဂွ္ေဟင္ နဲဂေကာံေဍာတ္ (ကလာပ္သ႘) မြဲဂေကာံမှိဟ္ၐိုတ္ (၅) တၜ ဗီုညးကႝုညး စန္ဒက္ပံက္ပေကာံေကတ္ရ။ ပႜဲမှိဟ္ဂွ္ပၜန္ ဗီုညးကႝုညး ဆက္စန္ဒက္ ပေကာံေကတ္ ဂေကာံညးကႝုညး မှိဟ္စန္ဒက္ဂြံလဝ္ဖအိုတ္တအ္ဂွ္ တီညးသၠအ္ဟြံဂြံရ။ ပႜဲကႝုလြ႘ၐံင္ မှိဟ္သာ္ဏအ္ဂွ္ လအ္ဂြံခိုင္ကၜိဳက္ၿဇိဳဟ္နက္ကႝုသဘဵဓဝ္ဂွ္ နကႝုပေရင္သာယ်ာ ညံင္ဂြံဒွ္မိပ္ျမဟ္ ၿပိဳင္ပၠာန္နာနာကီု၊ ညံင္စိုတ္ဂြံလဟိင္ ဖန္ကႝုေပဲါသၻင္ေလွ္ဒေယွ္ကီု၊ ဖန္ကႝုကယ်ိဳင္ကယ်ဝ္ တုပ္သဿဟ္ဒးရးကီု မြဲကြာန္ကုမြဲကြာန္ ကႝုအ႐ီုအဗင္ညးသၠအ္ကီု ဒးေကၜာန္ကႝုေရာင္။ မှိဟ္မြဲမြဲ ဟိုတ္ႏူကေမၜာန္ဂေကာံ၊ ဟိုတ္ႏူကေမၜာန္ေဗာ္  ဒွ္အာဒဒိုက္မြဲမြဲမၢး နကႝုေဗာ္ဒွ္ဒွ္၊ နကႝုကြာန္ဒွ္ဒွ္၊ နကႝုဂေကာံမြဲစြံဒွ္ဒွ္ ဒး႐ီုဗင္မင္မြဲညးသၠအ္ ဍိဳက္က္ေပင္ေပင္ေရာင္။

ပႜဲအရာစန္ဒက္သာ္ဏအ္ဂွ္ မှိဟ္ေဇှာ္ကြာန္တအ္ ညံင္ဂြံဒွ္မှိဟ္သဇိုင္ဇကုဂွ္ သြက္ဂြံစန္ဒက္ ဒးစြံအ႐ီု ေဇှာ္ေဇှာ္ေရာင္။ ညးတအ္ဂွ္ ဒးဆက္ေဆာံဒဿံင္ ကုရဲေဗာ္၊ ကုညးဍဳင္ကြာန္တအ္ ဇဿာပ္ဇဿာပ္တၛဲေရာင္။ စန္ဒက္ဂြံညးတအ္မၢး ကေမၜာန္ဇကုနာနာဂွ္ ေကၜာန္ေလာဲကၜဳင္တဲု ဖႝုဂုဏ္ သြက္ပၜန္ဂတးဂွ္ ဂြံဒုင္စျပဟ္ဟ္ နတဲေရာင္။ ဂြံဆက္ပံက္အာ ဂေကာံနာနာဂွ္ ဂြံကၜဳင္အ႐ီုအဗင္ေရာင္။ ဟိုတ္ဂွ္ရ မှိဟ္ေဇှာ္ကြာန္ တအ္ဂွ္ စြံအာ႐ီုတဲု သြက္ဂြံစန္ဒက္အာကီုရ။

တင္နင္ပလီုၾသဇာမာန္ မဒးစြံသတိ

၁။ လတူမှိဟ္သဇိုင္ေဗာ္ကီု၊ မှိဟ္ေဇှာ္ကြာန္တအ္ကီု ညာတ္ေယာင္မၢး စှးမဒးဗ်ိေဒါန္ဂွ္ ေစှာန္ထၞးနဲခိုင္ ဘိုင္ပေလဝ္ညိ။

၂။ မၛးႏူမှိဟ္ပလီုကေမၜာန္ လၸဟီုဂး နကႝုအဝႝုညိ။

၃။ ပႜဲတိဍာ္တဿိ၊ ေကာန္ေဗာ္ဇကု ပဋိပတ္ေယာင္ယာ ညံင္ဟြံဂြံဒွ္ ဗြဲေတဿင္စြံသတိညိ။

၄။ တင္ေကာန္ေဗာ္ဇကုေယာင္ လၸလဵကႝု ညးဍဳင္ကြာန္ညိ။

၅။ ေကာန္ေဗာ္ဇကု ဒွ္ဒုဟ္ပႜဲဗြိဳင္ေဗာ္မၢး အရာညးဍဳင္ကြာန္တအ္ တီဟြံေထက္ဂွ္ လၸကႝုတီညိ။

၆။ ေကာန္ေဗာ္ကလိေလာန္ဒုဟ္ လတူညးဍဳင္ကြာန္မၢး ေကတ္အေရဝ္ ဂတညးဍဳင္ကြာန္ညိ။

၇။ လၸဒစႝုဒစး အခိုက္ကှာကြာန္ ေကုာံ ေစဝ္ေပှာန္ကြာန္ညးညိ။

၈။ ဂတညးဍဳင္ကြာန္ ေ႐ွ္ေသွ္ရဵဂဵ ညးေဇှာ္ဇကုညိ။

၉။ စသုင္မံင္စံင္ကဆံင္ကႝုတုပ္ ညးဍဳင္ကြာန္တအ္ညိ။

ဗုီညးတာလ်ိဳင္ ေဗာ္ဍဳင္မန္တဿိ ကုႝ ညးဍဳင္ကြာန္တအ္ ပဒဿံင္ျပဘိုက္ အပႜဲကှာထးမြဲဒှာဲ။

ပေရင္စန္ဒက္ေဗာ္ အတိုင္ရန္တဿအ္လဝ္ ႐ုပ္ရဵညံင္ဂြံမံက္တိုန္ျပဟ္ဟ္ဂွ္ ကမၼတ႘ မဒးေကတ္တာလ်ိဳင္ ဌာနပေရင္စန္ဒက္ဂွ္ စြံအဓိကကႝု ကေမၜာန္ဇကုတဲု မြဲကြာန္တဲုမြဲကြာန္ ဒးေဂတ္စန္ဒက္ဒဿံင္ လဿိဳန္ကာလေရာင္။ ၐးကယ်ိဳင္အရာပ္တဲု အၾကာေကာန္ဂေကာံတအ္ လုပ္သှဵရဵ ေကၜာန္မာန္ကႜင္ ခိုဟ္ကႜင္ရ။ ဒှာဲအာကႝုဒပ္ပှာန္ဟြံဂြံ ဒးလုပ္ေကၜာန္ကႝု နဲပှဳက္ေလဝ္ ႏြံကီုေရာင္။ ပေရင္စန္ဒက္ ဂြံသဇိုင္တဲုမၢး ပှာန္ဇကုထၸက္အာ တန္တဵမာန္ ပသဇိုင္မာန္ကၜဳင္ရ။

ပေရင္စန္ဒက္ေဗာ္ ဟြံခိုင္တဲု ေဒသသဇိုင္ပ႙ု သှဂြံေဖ်ံဒှာဲမာန္ဂွ္ ဟုိတ္ႏူပေရင္စန္ဒက္ေဗာ္ပ႙ု ဍိဳန္လ်ဒဿံင္ေရာင္ဂွ္ ညာတ္တီဒဿံင္ ဖအိုတ္ရ။ ရန္တဿအ္စႝုဒှာသှ မလုပ္ေဖ်ံသဇိုုင္ပ႙ု သှဂြံေဖ်ံဒှာဲမာန္ဂွ္ ႏူပေရင္စန္ဒက္ ဒှာဲေကၜာန္ဂြံ ေကၜာန္ေလာဲဂွ္ ဒးေကၜာန္ျပဟ္ဟ္ ပခိုင္လဝ္ကၜာေရာင္။ မှိဟ္သဇိုင္သှဇကု စန္ဒက္ဟြံဂြံၢဂွ္ ဒးငၛးတးေရာင္။ စန္ဒက္ဂြံ မှိဟ္သဇိုင္ေဗာ္ ကေတာဝ္မတ္ေဗာ္ (ေကဒါေဗာ္)တအ္ဂွ္ ဒးပှဳက္စြံလဝ္ကီုေရာင္။ ထၞးဗဿံက္လဝ္ဖအိုတ္ စကာလဝ္ဖအိုတ္ ဟြံဂြံ။ ဒးဗလးစကာ ပံင္ကႝုသှေထက္ေလပ္ ဒးစကာကႝုေရာင္။ ဆၢး ညးတာလ်ိဳင္ ကဆံင္လတူ ဒးကႝုတီေရာင္။ ေဒသသဇိုင္ဇကု ဂြံေဖ်ံစိုတ္ရမၢး နကႝုပေရင္စန္ဒက္ သၜဲပတိုန္တိဍာ္ သၜဲပတိတ္ျဇဟတ္ အ႐ီုအဗင္ညးဍဳင္ကြာန္တအ္တဲု လုပ္ပခိုင္ကႝု ဒပ္ပှာန္ဇကု၊ ဒက္ပခိုင္ ပေရင္အုပ္ဓုပ္ဇကု ဗီုတအ္ဏအ္မာန္မၢး သဇိုင္တိဍာ္ဇကုခိုင္ကၜိဳက္အာမာန္ေရာင္။

(သၸဒတန္ ပႜဲေကာံဓ႐ီု - ဂေကာံစဿ႘စဿတ္သၸဒတန္ လိက္တှးကႝုပညာ အလန္ပထမ 27/11/82)

စဿတ္တၛဲ - 26/7/84 ဂွ္ ထပ္တက္ပတိတ္ပၜန္ရ။