သဘင္ရတုထဝ္ ေဗာ္ဍဳင္မန္တဿိ ေကၜာန္ဗဒွ္ပႜဲေဒသဇ႘တုဲ ေကာန္မန္ဂၜိဳင္ကုႝကၜံတိုန္စိုပ္

ဂ်ဴလာင္ ၂၀၊ ၂၀၀၈ ေဗာ္ဍဳင္မန္တဿိ ပႜဲေဒသနာနာတအ္ ေကၜာန္ဗဒွ္ သဘင္ရတုထဝ္ (ေပင္ ၅၀ သှာံ) ေဗာ္ဍဳင္မန္တဿိရ။ ဇဿာပ္ပ္ေဒသ ဇဿာပ္ပ္ခ႐ုိင္ဂွ္ ေကာန္ဂကူမန္ ဂၜိဳင္ကုႝကၜံ တိုန္စိုပ္ ေကၜာန္ဗဒွ္ သဘင္ရတုထဝ္ဝြံရ။

အဓိက အစ႘အဇန္ ပႜဲသဘင္ရတုထဝ္ဝြံ သြက္ေကာန္ဂကူမန္ ကုႝ ေဗာ္ဍဳင္မန္တဿိ ဂြံစုက္လုက္ ဆုႝဂဗ ေရင္သကအ္ဂၜိဳင္င္တုဲ ေသၢာံပံင္ေတာဲေကၜာန္အာ ပေရင္ေကင္ကာဂကူမန္ရ။ ပႜဲလိက္သဝဏ္ ဥကၠ႒ေဇှာ္ ေဗာ္ဍဳင္မန္တဿိ နာဲထဝ္မန္ဂွ္ ညးဟုီ “ျပသှာအပႜဲဍဳင္ဂွ္ နကုႝပႜဲေသှာဝ္ ဟုီပည႘ပညပ္ ေရင္သကအ္ ဟြံဂြံတုဲ ပၜန္ဂတးမန္ ဒးကတုႝဒွ္ကၜဳင္ နကုႝဂၜံင္တရဵလြပ္လြဟ္ရ။ ဘဝပၜန္ဂတးမန္ မဂၜိင္ေသၛာဲဝြံ ဂြံဆက္ၐွ္အာဒဿံင္ တိုင္ပၠဵနာနာမာန္ဂွ္ ဟိုတ္ႏူေကာန္ဂကူမန္တအ္ ဗိုင္ထၞလဘာ္ ထံက္ဂလာန္လတူေဗာ္ကုီ သုီကုႝပေရင္ပကင္ရင္ ဖန္ဇန္ ညးတာလ်ိဳင္ဂမၜိဳင္ခိုဟ္ေရာင္။ ညံင္မန္ပု႙ ဂြံခှံအလုႝအသ႘မန္ ပႜဲတြႝဳရးဍဳင္မန္မာန္ဂွ္ နကုႝေဗာ္ဍဳင္မန္တဿိေလဝ္ ကေရာမ္ဂကူမန္တအ္မြဲစြံဂွ္ ဆက္လုပ္အာေပဲါဗတိုက္ စုႝကုႝစုိပ္တိုင္ပၠဵေရာင္ဂွ္ ထပ္ကုႝဏာသမၲီပၜန္ရ။” တုဲပၜန္ ညးဗတိုက္ေဖၟာဝ္ ကုေကာန္ေဗာ္ဍဳင္မန္တဿိ “ညံင္ဂြံၿဇိဳဟ္နက္ လတူဓဝ္ည႘သာ အၾကာဂကူမန္ ကုႝ အၾကာေကာန္ေဗာ္ညးတအ္တုဲ ကေမၜာန္မဒွ္ဂုဏ္ဖုႝ ကုမွာဇန္တအ္ကုီ ဂၜံင္တရဵေဗာ္ဂွ္ ညံင္ဂြံဒွ္ ဂၜံင္တရဵမွာဇန္ကုီဂွ္ စြံဂ႐ုလြ႘ပရာညိ။”

ပႜဲသဘင္ကှာတအ္ဂွ္ တှဟ္နဂြံကေလင္ဂြံသတိ လတူညးမကလိေလာန္အာတအ္တုဲ ဗွ္ထၞးအတၴဳပၸတိဥကၠ႒ေႀတံဂမၜိဳင္ နာဲယွ႙ဳေက်န္၊ နာဲနလႅာ၊ နာဲေထန္တအ္ရ။