အပိုင်း (၈)

တပ်မတော်တည်ဆောက်ရေးဆိုင်ရာ ပြဿနာများ

(၁) တပ်မတော်တည်ဆောက်ရေးဆိုင်ရာ အခြေခံမူများ။

တပ်မတော်သည် နှစ်မျိုးနှစ်စားရှိသည်။ တစ်မျိုးမှာ ပြည်သူတို့၏ အကျိုးစီးပွားကို ကာကွယ်ရန်နှင့် ပြည်သူများကို အလုပ်အကြွေး ပြုရန်အတွက် ပြည်သူများကို ဖွဲ့စည်းလေ့ကျင့် လက်နက်တပ်ဆင်ပေးသော ပြည်သူ့တပ်မတော်မျိုးဖြစ်သည်။ အခြားတစ်မျိုးမှာ ပြည်သူများကိုပင် ဖွဲ့စည်းလေ့ကျင့် လက်နက်တပ်ဆင်ပေး၍ လက်တစ်ဆုပ်စာ လူနည်းစု မြေရှင်၊ အရင်းရှင် အုပ်စိုးသူ လူတစ်စု၏ အကျိုးစီးပွားကို ကာကွယ်ပြီး ပြည်သူကို ဖိနှိပ်ခေါင်းပုံဖြစ် ကျွန်ပြုသော ကြေးစား တပ်မတော်မျိုးဖြစ်သည်။

 ပြည်သူ့တပ်မတော်သည် ပြည်သူတို့နှင့် စည်းလုံးညီညွတ်စွာ နီးစပ်နေသောကြောင့် တိုင်းပြည်နှင့် လူမျိုးအား ကျူးကျော် ဖိနှိပ်လာမည့် အန္တရာယ်ကို ထိရောက်စွာ ကာကွယ်ပေးနိုင်သည်။ ပြည်သူတို့၏ ဒီမိုကရေစီအခွင့်အရေး၊ လွတ်လပ်ခွင့် အခွင့်အရေးတို့ကို ကာကွယ်စောင့်ရှောက်ပေး၏။ လူတစ်စုအကျိုးအတွက်ဖြစ်သော ကြေးစားတပ်မတော်သည် ပြည်သူနှင့် ကင်းကွာနေ၍ တိုင်းပြည်နှင့် လူမျိုးအား ကာကွယ်ရာတွင် စွမ်းအင်မဲ့ ဖြစ်သည်။ ယိမ်းယိုင်တွေဝေသည်။ ပြည်သူတို့၏ ဒီမိုကရေစီနှင့် လွတ်လပ်ခွင့် အခွင့်အရေးများကို ဖျက်ဆီးသည်။

ထိုသို့သော ပြည်သူ့တပ်မတော်တစ်ရပ် တည်ဆောက်ရေးသည် အခြေခံမု (၃) ရပ်ဖြင့် တည်ဆောက်ရမည်။ ၄င်းတို့မှာ -

 (က) အမျိုးသားရေး လက္ခဏာ

(ခ) ပြည်သူ့အကြိုက် လက္ခဏာနှင့်

  (ဂ) ဒီမိုကရေစီရေး လက္ခဏာ တို့ ဖြစ်သည်။

 အမျိုးသားလက္ခဏာဆောင်ရာတွင် ၄င်းတပ်မတော်သည် မဟာလူမျိုးကြီးဝါဒ အုပ်စိုးသူများ လက်နက်ကိုင် ဖိနှိပ်မှုကို ခုခံဆန့်ကျင် တွန်းလှန်မည်ဆိုသော အယူအဆကို ထားရှိခြင်း၊ မိမိတို့မွေးရာပါ အခွင့်အရေးနှင့် လွတ်လပ်မှုကို ကာကွယ်ထိန်းသိမ်း၍ သာယာဝပြောသော ပြည်သစ်ကို ထူထောင်ရာတွင် အမြင့်မားဆုံးသော စိတ်အားထက်သန်မှုကို ထားရှိခြင်း တို့ပင်ဖြစ်သည်။

အခြေခံမူ (၂) ဖြစ်သော ပြည်သူအကြိုက် ဖြစ်ရခြင်းမှာ ၄င်းတို့သည် ပြည်သူတို့အထဲမှပင် ပေါ်ထွက်လာကာ ပြည်သူတို့၏ လွတ်မြောက်ရေးနှင့် သက်သာချောင်ချိရေးအတွက် အမြဲတမ်း ကြိုးပမ်းခြင်းပင်ဖြစ်သည်။

 ဒီမိုကရေစီကျရခြင်း အကြောင်းရင်းမှာ ပြည်သူ့တပ်မတော်သည် ၄င်းတို့ကိုယ်ကို ၄င်းတို့ပြည်သူနှင့်အတူ စည်းလုံးညီညွတ်ခြင်း၊ ပဒေသရာဇ်စနစ်၊ စစ်ဘုရင်စနစ်တို့ကို လုံးဝပယ်ဖျက်၍ ဒီမိုကရေစီအတွက် ပြည်သူတို့ ကြိုးပမ်းတိုက်ခိုက်ရန် လက်နက်တစ်ရပ် ဖန်းတီးပေးခြင်းတို့ကြောင့် ဖြစ်သည်။

ဤသည်တို့သည် ပြည်သူ့တပ်မတော်တစ်ရပ် တည်ဆောက်ရေးအတွက် အခြေခံမူ (၃) ရပ်ဖြစ်သည်။ သို့ရာတွင် ယေဘူယျဖြစ်သောမူမှာ အခြေခံအားဖြင့် ပြည်သုတို့ထံမှလာပြီး ပြည်သူတို့ကို အလုပ်အကြွှေးပြုရန်ဖြစ်သည်။ တပ်မတော် ပြန်လည် ဖွဲ့စည်းရေးအတွက် ဤနည်းသည် စံနမူနာဖြစ်သည်။ ကျွန်ုပ်တို့သည် တော်လှန်ရေးတွင် အောင်ပွဲဆင်၍ ဒီမိုကရေစီနှင့် မွေးရာပါ အခွင့်အရေးတို့ကို လိုချင်ပါက ဤသို့သော တပ်မတော်မျိုးကို လိုအပ်နေပေသည်။ ဤသို့သော တပ်မတော်မျိုးကို အားနည်းစေလိုမှုများ၊ တပ်များကို ပြည်သူ့ဆန့်ကျင်ရေးတပ်များ၊ ကြေးစားတပ်များကဲ့သို့ ဖွဲ့စည်းလိုသူများရှိက သူတို့၏ ကိုယ်ပိုင်မြေကတုတ်ကို ဝင်ဖျက်ဆီးလိုခြင်း ဖြစ်သည်ဟု ဆိုရပေမည်။ ခုခံတော်လှန်စစ်ကို ဖျက်ဆီးပြုသည်ဟု ဆိုရပေမည်။

(၂) တပ်သားစုဆောင်ရေး

ပြည်သူ့တပ်မတော်သည် ကြေးစားနှင့် ပြည်သူ့ဆန့်ကျင်ရေး တပ်များကဲ့သို့ မဟုတ်ပဲ၊ တပ်သားစုဆောင်းရာတွင် မိမိဆန္ဒအလျှောက် တပ်တွင်းသို့ ဝင်ရောက်ရေး အခြေခံပေါ်တွင် တည်ဆောက်ထားခြင်း ဖြစ်သည်။ အနူးညွတ် ဆွဲဆောင်သိမ်းသွင်းရေး အခြေခံပေါ်တွင် တည်ဆောက်ထားပေသည်။ မဟာလူမျိုးကြီးဝါဒ လက်နက်ကိုင်ရန်သူကို ခုခံတိုက်ခိုက်ရန်၊ လွတ်လပ်မှုနှင့် ဒီမိုကရေစီ အခွင့်အရေးများ ရရှိရန်၊ သာယာဝပြောသောပြည်သစ် တည်ဆောက်ရန်အတွက် ဆန္ဒအလျှောက် ဝင်ရောက်လာသော သူများကို တပ်မတော်သို့ စုဆောင်းရန် ဖြစ်သည်။ ပြည်သူနှင့် နီးကပ်စွာ ဆက်သွယ်မှု ရှိနေပါက ဤကဲ့သို့သော တပ်မတော်သားများအဖြစ် ရရှိနိုင်မည့် အင်အားမှာ ကုန်ခမ်းနိုင်ဖွယ်ရာ မရှိပေ။ သို့သော် ပြည်သူ့ဆန်ကျင်သူများနှင့် ရန်သူ့ဘက်သား သူလျှိုများ မပါဝင်လာနိုင်အောင် သတိကြီးစွာ ထားရန် လိုသည်။

(၃) တပ်မတော်ကို ထိန်းသိမ်းထောက်ပံ့ရေး

တပ်မတော်တစ်ခုကို ထိန်းသိမ်းရာ၌ ပြည်သူ့ဆန့်ကျင်ရေး ကြေးစားတပ်သည် ပြည်သူများအား ဖိနှိပ်ချုပ်ချယ်ခြင်းမှ အစပျိုးလာသောကြောင့် အကျိုးဆက်အားဖြင့် စစ်သားများအပေါ်တွင်လည်း ချယ်လှယ်ခြင်းမှ အစပျိုးလာခြင်းဖြစ်ပေသည်။ ထိုသို့မဟုတ်ဘဲ ပြည်သူ့တပ်မတော်သည် ပြည်သူကို ချစ်ခင်ခြင်းမှ အစပျိုးလာသည်ဖြစ်၍ စစ်သားများအားလည်း ချစ်ခင်ခြင်းမှ အစပျိုးပေသည်။

ကျွန်ုပ်တို့ တော်လှန်ရေးတပ်များသည် စစ်ယူနီဖောင်း ဝတ်ထားသော လက်နက်ကိုင် ပြည်သူများအား စုရုံးထားသော အစုအဝေးတစ်ရပ် ဖြစ်ပေသည်။ သူတို့သည် သာမာန်ပြည်သူများကဲ့သို့ အစားအသောက်၊ အဝတ်အစားတို့အတွက် အေးအေးလူလူ လုပ်ကိုင်စားသောက်လိုကြသည်။ ဤသို့သော ရုပ်ဝတ္ထုဆိုင်ရာ အဟာရအပြင် လက်နက်ကိုင် ဖိနှိပ်သူကို ဆန့်ကျင်တိုက်ပွဲဝင်ရန်နှင့် ပြည်သူတို့ကို ချစ်ခင်စည်းရုံး လှုံ့ဆော်ရန် ပညာပေးခြင်းဟူသော စိတ်ဓါတ်အဟာရကို ဖြည့်ဆည်းပေးရန် ကျွန်ုပ်တို့ ဂရုပြု ရပေမည်။

ပထမအနေနှင့် ပြည်သူတို့အပေါ်တွင် ကျရောက်သည့် ဝန်ထုပ်ဝန်ပိုးကို အလွန်ကြီးလေးလာအောင် တိုးမပေးရ ဟူသော မူပေါ်တွင် အခြေခံ၍ တပ်မတော်၏ ရုပ်ပိုင်းဆိုင်ရာ ဖြည့်ဆည်းမှုကို ထိန်းသိမ်းထောက်ပံ့ရမည်။ သို့မဟုတ်ပါက ပြည်သူတို့၏ စားဝတ်နေရေးဘဝသည် ကြပ်တည်းခက်ခဲလာကာ တပ်မတော်၏ ဘဝသည်လည်း ခက်ခဲလာလိမ့်မည်။ တပ်မတော်သည် ရန်သူကို တိုက်ခိုက်ရန် အင်အားမရှိဖြစ်လာပါလိမ့်မည်။ အခြေအနေသည် တိုးတက် ကောင်းမွန်လာ၍ တပ်မတော် တိုးချဲ့ရန် လိုအပ်လာပါက ပြည်သူတို့အပေါ် တာဝန်မပိုစေပဲ တိုးချဲ့ရမည်။ အခြေအနေသည် ကြပ်တည်း ခက်ခဲလာပါက တပ်သားဦးရေကို လျှော့ချ၍ အရည်အသွေးတိုးမြှင့်ခြင်း စသည်ဖြင့် တပ်နှင့်ပြည်သူ အကျိုးစီးပွားနှစ်ခုစလုံးကို ထည့်သွင်းစဉ်းစား၍ လိုက်နာလုပ်ဆောင်ရန် လိုအပ်ပေသည်။

ဒုတိယအားဖြင့် တပ်မှူးရော တပ်သားပါ တူညီသော တပ်တွင်းဆိုင်ရာ ခံစားခွင့် ရရှိစေရမည်ဟူသော မူအတိုင်း တပ်မတော်အတွင်းရှိ လူအားလုံးကို ခံစားခွင့် ရှိစေရပါမည်။ တပ်မှူးများသည် တပ်သားများနှင့်အတူ ဒုက္ခသုခကို မျှဝေခံစား၍ စံနမူနာပြုရမည်။ အကျိုးစီးပွားဖက်မှ နေသူ၊ တပ်သားများ ခံစားရမည့် ဒုက္ခသုခကို ညှာတာထောက်ထားမှုရှိသူ၊ တပ်သားများနှင့် ကင်းကွာမနေတတ်သူ တပ်မှူးများကိုသာလျှင် တပ်မှူးကောင်းများဟု ခေါ်ဆိုနိုင်သည်။ ဤသည်ကား ကျွန်ုပ်တို့၏ တပ်မတော်ကို ထိန်းသိမ်းထောက်ပံ့ရာတွင် အသုံးပြုသည့် မူဖြစ်သည်။

တတိယအားဖြင့် တပ်မတော်၏ ရုပ်ဝတ္ထု လိုအပ်ချက်များကို ဖြေရှင်းရန်နှင့် ပြည်သူတို့အပေါ်တွင် ကျရောက်မည့် ဝန်ထုပ်ဝန်ပိုးကို ပေါ့ပါးမှု ရှိစေရန်အတွက် တိုက်ချိန်နှင့် လေ့ကျင့်ရေးလုပ်ချိန်ကြားတွင် တပ်မတော်ကိုယ်တိုင်က ကုန်ထုတ်လုပ်ရေးတွင် ဝင်ရောက် လုပ်ကိုင်စေရေးပင် ဖြစ်သည်။ ဤသို့ တပ်မတော်က ကုန်ထုတ်လုပ်ရေးကို ပါဝင်ဆောင်ရွက်ခြင်းအားဖြင့် ပြည်သူတို့၏ ဝန်ထုပ် ဝန်ပိုးလည်း လျော့ကျသွားမည်ဖြစ်သည်။ ပြည်သူတို့နှင့် ပို၍ နီးစပ်စွာ ပေါင်းစည်းမိလာမည်ဖြစ်သည်။ တပ်မတော်၏ ဘဝသည်လည်း ပိုမိုအသက်ဝင် ထထကြွကြွ ရှိလာပြီး ပိုမိုတောင့်တင်းခိုင်မာလာမည် ဖြစ်ပါသည်။ လေ့ကျင့်ရေးလည်း ပိုမိုထိရောက်လာမည်။ တိုက်ခိုက်ရေးကိုလည်း ပိုမိုလှုပ်ရှားတက်ကြွှစွာ လုပ်ကိုင်လာမည်ဖြစ်သည်။ တပ်အတွက် ထိန်းသိမ်းထောက်ပံ့ရန် မကုန်ခမ်းနိုင်သော ရန်ပုံငွေများကိုလည်း ဤနည်းဖြင့် ရရှိလာနိုင်ပေသည်။

 ထို့အပြင် တပ်မတော်မှ ကိုယ်လက်အင်္ဂါ ချို့ယွင်းသူများ၊ တပ်မတော်သားများ၏ အိမ်ထောင်စုများ၊ မှီခိုသူများကို အထောက်အပံ့ ပေးခြင်းများအပြင် ၄င်းတို့ကိုယ်တိုင် ကုန်ထုတ်လုပ်ရေးကို တိုးပွားအောင် လုပ်ရေးနှင့် ၄င်းတို့၏ မိသားစုရေးရာများကို ၄င်းတို့ဘာသာ စီမံဆောင်ရွက်ရန်လည်း အကူအညီပေးရန် လိုအပ်ပေသည်။

(၄) တပ်မတော်တစ်ရပ်ကို ခေါင်းဆောင်နည်း

 ပြည်သူ့ဆန့်ကျင်ရေး တပ်တို့သည် တပ်မတော်များကို ကျွန်အဖြစ် သဘောထား၍ ခေါင်းဆောင်နည်းကို ကျင့်သုံးသည်။ ထို့ကြောင့် စစ်သားများကို အသိဥာဏ်ကင်းနေအောင်လုပ်ရေး ပေါ်လစီကို အသုံးပြုကြသည်။ အကြောင်းမှာ စစ်သားများသာ အမြင်မှန်ရလာပါက သူတို့သည် ပြည်သူတို့ကို ဆန့်ကျင်၍ ဘာမျှ လုပ်ကြတော့မည် မဟုတ်သောကြောင့် ဖြစ်သည်။ ပြည်သူ့တပ်မတော်သည် ဤနည်းနှင့် ဆန့်ကျင်၍ တပ်မတော်ကို ခေါင်းဆောင်ရာ၌ ဒီမိုကရေစီနည်းအရ အထက်မှ ကြိုးကိုင်သည့်နည်းကို သုံးသည်။ တပ်သားများအား ရိုက်နှက်ဆဲဆိုသည့် အကျင့်ကို ပယ်ဖျက်၍ တပ်မှူးနှင့် တပ်သားများအတွင်း တန်းတူမှုနှင့် လေးစားမှုကို အသိအမှတ်ပြုသည်။ တစ်ခုတည်းသော ခြားနားမှုမှာ တာဝန်ဝတ္တရားသာ ဖြစ်သည်။ တပ်မှူးများက တပ်သားများကို ညှင်းပမ်းနှိပ်စက်ရေးအတွက်လည်းကောင်း၊ အထက်တပ်မှူးများက အောက်တပ်မှူးများကို ဖိနှိပ်ရေးအတွက်လည်းကောင်း နိုင်ငံရေးအရ ခွဲခြားခြင်းဟူ၍ မရှိစေရပေ။ တပ်မတော်သား တို့သည် ပြည်သူတို့ကို အလုပ်အကြွေးပြုရန် တပ်မတော်သို့ ဝင်လာခြင်းဖြစ်သည်။ တပ်မှူးနှင့် တပ်သားများသည် သင့်တင့် လျှောက်ပတ်သော အစည်းအဝေးများ၌ သူတို့အချင်းချင်း အပြန်အလှန် ဆက်ဆံရေးများကို ခိုင်မာအောင် လုပ်ရန်နှင့် စစ်အမိန့်များကို ပိုမိုကျေပွန်စွာ ထမ်းဆောင်နိုင်ရန် သူတို့အချင်းချင်းကြားတွင် ကိုယ့်ကိုယ်ကို ဝေဖန်ရေး ကျင့်သုံးကြသည်။ “ကျွန်ုပ်တို့သည်၊ နိုင်ငံရေး အသိဥာဏ်ပေါ်တွင် အခြေပြု၍ တည်ဆောက်ထားခြင်းဖြစ်ပြီး တပ်မှူးတပ်သားတိုင်း ချွင်းချက်မရှိ လိုက်နာရသော အလွန်တင်းကြပ်သည့် စစ်စည်းကမ်းနှင့် လူထုစည်းကမ်းတို့ကို အလိုရှိပေသည်။ စံနမူနာယူလောက်သော ကျင့်ကြံပြုမူနည်းများ ပြသခြင်းအားဖြင့် တပ်မှူးများသည် တပ်သားများအား က္ပွပ်ကဲခေါင်းဆောင်သွားရန် အလွန်လိုအပ်ပေသည်။”

တပ်မှူးတပ်သားများ ဆက်ဆံရေးသည် သူတို့၏ ချစ်ခင်ကြသော ဆက်ဆံရေးမျိုး၊ တော်သောဆရာနှင့် သူတို့၏ ကျောင်းသားများ ဆက်ဆံရေး၊ အကိုကြီးနှင့် ညီငယ်များ ဆက်ဆံရေးမျိုး ဖြစ်ရပေမည်။

(၅) တပ်မတော်ကို လေ့ကျင့်ပေးရေး

 ပြည်သူ့တပ်မတော်ကို လေ့ကျင့်ပေးသည့်နည်းသည် နိုင်ငံရေး အသိဥာဏ်ရှိမှုနှင့် ဆန္ဒအလျောက် လုပ်ရသည့် မူအပေါ်တွင် အခြေခံသည်။ တပ်မတော်ကို လေ့ကျင့်ပေးရာတွင် အသွင် (၃) ရပ် ရှိပေသည်။ ပထမ - စိတ်ဓါတ်ကြံ့ခိုင်ရေး၊ ဒုတိယ - ကိုယ်လက်ကြံခိုင်ရေး၊ တတိယ - စစ်ရေးတို့အတွက် ဖြစ်သည်။ တပ်မတော်ကို လေ့ကျင့်ပေးရာ၌ ပထမဆုံးမှာ စိတ်ဓါတ်ကြံခိုင်ရေးကို လေ့ကျင့်ပေးရမည်။ အကယ်၍ တပ်မတော်သည် ပြည်သူလူထူ၏ အကျိုးစီးပွားအတွက် ပြည်သူတို့ကို လှုံ့ဆော်စည်းရုံးရန်၊ လက်နက်တပ်ဆင်ပေးရန်၊ အာဏာထူထောင်ပေးရန် မဟုတ်ပါက တိုက်ခိုက်နေသည်များလည်း အဓိပ္ပါယ် ရှိတော့မည် မဟုတ်ပေ။

ထို့ကြောင့် တပ်မတော်သည် နိုင်ငံရေးအသိဥာဏ် မြင့်မားမှသာ၊ မိမိမည်သည့်အတွက်ကြောင့် တိုက်ခိုက်နေကြောင်း သိနားလည်မှသာ ၄င်းတပ်မတော်သည် ထိုးထွင်းရှေ့ဆောင်မှုကို ရလိမ့်မည်။ ရန်သူက ဖြိုဖျက်၍ မရသော ကြံ့ခိုင်သော တပ်မတော် ဖြစ်လာလိမ့်မည်။ နိုင်ငံရေး အသိတရားမှ ပေါ်ထွက်လာသော သတ္တိသည် တကယ့်သတ္တိဖြစ်သည်။

 နိုင်ငံရေး ဗဟုသုတနှင့် စစ်ရေးဗဟုသုတကို မြှင့်တင်ပေးရန်အတွက် ယဉ်ကျေးမှု အဆင့်အတန်းလည်း အနည်းအကျဉ်း အခြေခံရှိရမည်။ နိုင်ငံရေးနှင့် ယဉ်ကျေးမှုရေးရာ ပညာပေးခြင်းကိုသာမက ကုန်ထုတ်လုပ်ရေးကိုပါ ထပ်လောင်း၍ ပေးရပေမည်။ ကုန်ထုတ်လုပ်ရေးနှင့် ပတ်သတ်၍ ပညာပေးခြင်းသည် ကုန်ထုတ်လုပ်ရေးကို ဝိုင်းဝန်းကူညီရာရောက်ရုံမျှမက အလုပ်လုပ်ခြင်းကို လေးစားရသည်ဆိုသော အယူအဆကို ဖြန့်ဝေရာလည်း ရောက်ပေသည်။ ဤနည်းဖြင့် တပ်မတော်သားများအဖို့ အရပ်တကာလှည့်နေသော လူပျင်းများအဖြစ်သို့ ရောက်မသွားအောင်လည်း တားဆီးပေးရာ ရောက်ပေသည်။ တော်လှန်ရေးစစ်ပွဲ အောင်ပွဲခံ အောင်မြင်ပြီးဆုံးသော အခါလည်း အသုံးဝင်သူများ ဖြစ်လာပေမည်။

ဒုတိယမှာ ကိုယ်လက်ကြံ့ခိုင်ရန် လေ့ကျင့်ပေးခြင်း ဖြစ်သည်။ တိုက်ပွဲဝင်ရာတွင် အပင်ပမ်းခံ၊ အကြပ်အတည်းဒဏ်ခံနိုင်ရန် ကိုယ်လက်ကြံခိုင်မှုသည် အရေးကြီးပေသည်။ ကာယဗလ တိုးပွားလာပြီး သန်မာတောင့်တင်းသော တပ်မတော်သားများ ဖြစ်လာကြရန် ချစ်ခင်ယုယစွာ ဂရုစိုက် လုပ်ဆောင်ရပေမည်။

တတိယ လေ့ကျင့်ပေးရန်မှာ စစ်အတတ်ပညာနှင့် နည်းပရိယာယ် (တိုက်ပုံတိုက်နည်း)တို့ ဖြစ်သည်။ တပ်မတော်သည် နိုင်ငံရေးအသိတရား ရှိရုံနှင့် ပြည်စုံလုံလောက်မှု မရှိသေးပေ။ ကျွန်ုပ်တို့သည် ကြံ့ခိုင်တောင့်တင်းမှု ကောင်းမွန်သော စစ်အတတ်ပညာတို့နှင့် နိုင်ငံရေးအသိတရားပါ ပြည့်စုံလုံလောက်မှသာ ပိုမိုကြီးမားသော တိုက်ပွဲများတွင် အကျအဆုံးနည်းစွာဖြင့် အောင်မြင်နိုင်ပေမည်။ တပ်မှူးက တပ်သားများကို သင်ကြားပေးခြင်း၊ တပ်သားအချင်းချင်း သင်ကြားကြခြင်းနှင့် တပ်မှူးများက တပ်သားများထံမှ လေ့လာသင်ယူခြင်းကို ဆောင်ရွက်ရန် လိုသည်။

ကျွန်ုပ်တို့သည် တကယ့်တိုက်ပွဲများနှင့် စစ်မြေပြင်လှုပ်ရှားမှုများတွင် ရရှိသည့် အတွေ့အကြုံများကို ပေါင်းစည်းရှူမြင်ခြင်းတွင် အာရုံစိုက်ခြင်းအားဖြင့် ကျွန်ုပ်တို့၏ တိုက်ပွဲနည်းစနစ်ကို ပိုမိုကောင်းမွန်အောင် ဆောင်ရွက်လာနိုင်ပါမည်။

(၆) စစ်ပွဲတစ်ခုကို ဆင်နွှဲခြင်း

 ပြည်သူ့တပ်မတော်က အသုံးပြုသည့်နည်းမှာ အခြေအနေနှင့် လိုက်လျောညီထွေစွာပင် အမြဲပြောင်းလဲနေတတ်သည်။ တပ်မတော်ကိုယ်တိုင်အဖို့မူ နိုင်ငံရေးအသိရှိခြင်း၊ တပ်မှူးတပ်သားများအကြား အပြန်အလှန်နားလည်မှုရှိခြင်း၊ စည်းလုံးခြင်းတို့ကြောင့် လူတိုင်းလူတိုင်းသည် မိမိဘာသာ မိမိထိုးထွင်းရှေ့ဆောင်၍ လုပ်သွားနိုင်စွမ်း ရှိ၏။ စိတ်ထဲတွင် တစ်ခုတည်းသော ရည်ရွယ်ချက် ရှိနေသဖြင့် တိုက်ခိုက်ရေးသမားများသည် လှုပ်ရှားတက်ကြွှ၏။ လျင်မြန်၏။ ရန်သူကို ရဲဝံ့စွာ တိုက်ခိုက်နိုင်စွမ်းရှိ၏။ ဗိုလ်ချုပ်များသည် မိမိတို့၏ တပ်သားများအကြောင်းကို မသိပါက ၄င်းတို့၏  ဗိုလ်ချုပ်ကို ရန်သူ့လက်သို့ ကျရောက်စေသည်ဟူသော စကားကဲ့သို့ အချင်းအရာမျိုးကို တပ်မတော်တွင် မရှိစေရပေ။ စစ်ကို ဆင်နွှဲရာ၌ ပေါ်လစီကို အောက်ပါအတိုင်း အတိုချုံး ပြနိုင်ပေသည်။ မည်သို့သော ရန်သူကို ရင်ဆိုင်ရမည်၊ မည်သည့်အချိန်၊ မည်သည့်နေရာတွင် တိုက်ခိုက်ရမည်ဆိုသည့် အချက်ပေါ်တွင် တူညီပေသည်။ ဆိုလိုသည်မှာ တပ်မတော်တွင် ရှိသည့် အသုံးအဆောင်ပစ္စည်းများ၊ ရန်သူ့အခြေအနေ၊ ပြောင်းလဲနေသော အချိန်နှင့် မြေအနေအထားပေါ်တွင် အခြေခံ၍ တိုက်ပွဲကို တိုက်ရမည် ဖြစ်သည်။ စစ်ကို ဤကဲ့သို့ ဆင်နွှဲသော နည်းသည် သိသာမြင်သာသည့် အချက်ပေါ်တွင် အခြေခံသည့် နည်းဖြစ်သည်။ အခြေအနေများကို လေ့လာစီစစ်ကာ စိတ်ကိုပိုင်းဖြတ်ပြီး၊ ကျွန်ုပ်တို့၏ တိုက်ပုံတိုက်နည်း (နည်းပရိယာယ်)များကို အခြေအနေနှင့် ကိုက်ညီစွာ သတ်မှတ်၍ တိုက်ပွဲကို တိုက်ရန်ဖြစ်သည်။

စစ်ကို ဆင်နွှဲသွားရန် ယေဘူယျစည်းကမ်း နည်းလမ်းများနှင့် တပါတည်းတွဲ၍ လိုက်ပါလာသည့် အချက်မှာ တပ်မတော်နှင့် ကျယ်ပြန့်သည့် လူထုများ စည်းလုံးညီညွတ်ခြင်းဟူသည့် အချက်ဖြစ်သည်။ တစ်ဖက်ကကြည့်လျှင် တပ်မတော်က ဆင်နွှဲလိုက်သည့် စစ်ပွဲအားလုံးသည် ပြည်သူတို့၏ တိုက်ပွဲအဝဝကို (နိုင်ငံရေး၊ စီးပွားရေး၊ ယဉ်ကျေးမှု၊ စစ်ရေး၊ ရန်သူဆက်သွယ်ရေး လမ်းကြောင်းများကို ဖျက်ဆီးခြင်း) တို့ကိုလည်း တပ်မတော် စစ်ဆင်နွှဲရာတွင် အကူအညီဖြစ်အောင် အသုံးချရမည်။ ပြည်သူနှင့် တပ်မတော် ဤသို့ အဖက်ဖက်မှ တွဲဖက်ဆက်စပ် လုပ်ဆောင်ရေးကို စစ်ပွဲများ တိုက်ပွဲများတွင်လည်းကောင်း စစ်မြေပြင်တိုင်းတွင်လည်းကောင်း၊ တွင်တွင်ကျယ်ကျယ် လုပ်ဆောင်ရပေမည်။ ထိုကြောင့် နေရာတကာတွင် ပြည်သူတို့နှင့် သဘောတူညီမှု ရှိစေရန် လိုအပ်ပေသည်။ ထို့ကြောင့် တပ်မတော်သည် ရန်သူကို ချေမှုန်း၍ အောင်ပွဲဆင်နွှဲနိုင်ရေးအတွက် ကျွန်ုပ်တို့၏ တော်လှန်စစ် သေနင်္ဂဗျူဟာနှင့် နည်းပရိယာယ်ဆိုင်ရာ အခြေခံမူများမှာ တိုက်စစ်တွင် သူရဲကောင်းဝါဒကို ဆန့်ကျင်ပါ။ တနေရာမှ တနေရာသို့ ပြောင်းရွေ့စဉ် ရန်သူနှင့် ဝေးအောင် ပြေးလိုစိတ်ကို ဆန့်ကျင်ရန် ဖြစ်သည်။ ဤအခြေခံမူများကို စစ်တွင် တပ်မတော်နှင့် ပြည်သူတို့ ရင်းနှီး စည်းလုံး ညီညွတ်ရမည်ဟူသော အချက်နှင့် လိုက်လျှောညီအောင် ချမှတ်ထားခြင်း ဖြစ်ပေသည်။ သို့မှ တပ်နှင့် ပြည်သူ စည်းလုံးညီညွတ်ခြင်းကြောင့် ဤအခြေခံမူများကို လက်တွေ့ လုပ်ဆောင်နိုင်ပေမည်။

(၇) တပ်မတော်တွင်း နိုင်ငံရေး လုပ်ငန်း

တော်လှန်သော တပ်မတော်၏ ရည်ရွယ်ချက်သည် ပြည်သူတို့ကို အလုပ်အကြွေးပြုရန်နှင့် ပြည်သူတို့၏ မွေးရာပါ အခွင့်အရေးနှင့် လွပ်လပ်မှု အခွင့်အရေးတို့ကို ကာကွယ်ရန်ဖြစ်သဖြင့် နိုင်ငံရေးလုပ်ငန်းသည် ဤတပ်များ၏ အသက်သွေး ဖြစ်လာပေသည်။ ထို့ကြောင့် တော်လှန်သော တပ်မတော်၏ နိုင်ငံရေးလုပ်ငန်းတွင် -

 (၁) တပ်မှူးများ၊ တပ်သားများ၏ နိုင်ငံရေးအသိတရားများကို မြှင့်တင်ပေးရန်၊ အမျိုးသားနှင့် ပြည်သူတို့အား ချစ်ခင်စိတ် တိုးပွားအောင် လုပ်ဆောင်ပေးရန် သူတို့ကိုယ်သူတို့ ပြည်လည်ပြုပြင်ပုံသွင်းလိုစိတ် တိုးပွားလာအောင် လုပ်ပေးရန်။

(၂) မွေးရာပါနှင့် လွတ်လပ်ခွင့် အခွင့်အရေးတို့အတွက် ပြည်သူတို့၏ နိုင်ငံရေးကို မြှင့်တင်ပေးရန်၊ တပ်နှင့်ပြည်သူ ညီညွတ်စေခြင်း နှင့် ပြည်သူတို့အကြားတွင် ယဉ်ကျေးမှုနှင့် ပညာရေး လုပ်ငန်းတို့ကို ကူညီရန်။

(၃) ရန်သူတို့အား နိုင်ငံရေး စိတ်ဓါတ်ရေးအရ ပြိုကွဲသွားအောင် လုပ်ဆောင်ရန်၊ ဤနည်းဖြင့် ရန်သူ့တိုက်အားကို လျှော့ပါးသွားအောင် လုပ်ရန်။

(၄) တပ်မတော်၏ တိုက်ခိုက်ရေးအင်အ