နိဒါန္

“တီလဝ္ အကာဲအရာသှကုႝ အကာဲအရာဇကု ခ်ိဳတ္ခ်ိဳတ္ပၜိဳတ္တ္တုဲ လုပ္ေပဲါဗတိုက္မၢး ဂြံဒးက်ေသၛာံျဗမ္ဟြံမြဲ ေပဲါပှာန္လၛီ အံင္ဇှးသုီလၛီမာန္ေရာင္” သာ္ဝြံ အစာပါရဂူပှာန္တအ္ ေဗၲာန္ေဖ်ာန္လဝ္အိုတ္ရ။ တင္ေစှာန္ဏအ္ဂွ္ ပႜဲပေရင္ကတ္လၛတ္ ကြတ္ပညာပှာန္ကုီ သုီကုႝ ကာလစကာနတဲတအ္ဂွ္ ကၜိဳဟ္ခၜင္လဝ္ သဘာဝေစွ္ေစွ္တုဲ တင္ေစှာန္ဂွ္ ဗဂပ္ကုႝ ဥပေဒသပှာန္တအ္ဂွ္တုဲ ဗတိုက္ကုႝသှဂကူပု႙မၢး သၵးကလိဂြံ ေပဲါအံင္ဇှးမာန္ေဟင္ေရာင္။

နကႝုေကာန္ဂကူ၊ ကဿိန္ဍဳင္၊ ကဆံင္မှိဟ္ (ဟြံေသင္မၢး) ဂေကာံပေရင္ဍဳင္ကြာန္ မြဲေကုာံမြဲ လုပ္ေပါဲဗတိုက္ညးသၠအ္ နဗီုျပင္ သ႑ာန္ကဆံင္မသၜဳင္အိုတ္ဂွ္ ဒွ္ပှာန္ဖအိုတ္ရ။ အခါစိုပ္ ကဆံင္အကာဲအရာဗီုသာ္ဂွ္မၢး ညးမၿပိဳင္ပှာန္တအ္ဂွ္ ေကတ္စကာ ေသှာဝ္ဥပေဒသပှာန္ဂမၜိဳင္ဖအိုတ္ သြက္ေသၢာံဖႜိဳက္ဗေပင္ ဆႏၵပဿိက္ဇကုတအ္အိုတ္ရ။ သီုၐါလၸာ္ ညးဂွ္က် ညးဂွ္မာန္ဂွ္ တုဲတဵ လတူပေရင္ပှာန္၊ ပေရင္ဍဳင္ကြာန္၊ ပေရင္ပိုန္ျဒပ္ ေကုာံ ဗီုဒမံင္သဘာဝတအ္ရ။ ဆဂွ္ဟြံ႐ံုဂပ္ဏီ စိုတ္ဓါတ္ၐါလၸာ္ကႝု အေစာံစရာဲသၠိဳပ္ဒပ္ မကႝုဒဿံင္ေစှာန္ပဿိင္ ပႜဲေပဲါပှာန္ဂွ္ေလဝ္ ပဿိက္ေဇှာ္ဒဿံင္ကီုေရာင္။ ပႜဲအရာသၸလြ႘ ဂြံအံင္ဇှးပှာန္ဂွ္ သၠိဳပ္ဒပ္မြဲလႝုဟြံဟီု ဟြံသၸဂ႐ုကႝု ႐ုပ္ဝတၴဳအပိုင္အျခာ ဗီုဒဿံင္မကတႝုဒွ္ဒံဿင္ဂွ္တဲု ၐက္သ႐ုင္ေထာအ္ဟြံဂြံရ။ အပႜဲဗၞတ္ အပိုင္အျခာပကတိ မကတႝုဒွ္ဒဿံင္ဂွ္ေဟင္ ညးေတအ္ ညံင္ေသၢာံဂြံ ေပါဲအံင္ဇှးဂွ္ ေကတ္စကာ အကာဲအရာ ပေရင္ပှာန္၊ ပေရင္ဍဳင္ကြာန္၊ ပေရင္ပိုန္ျဒပ္ ေကုာံ ဗီုဒမံင္သဘာဝ မကတႝုဒွ္ဒဿံင္ဂွ္ ဍိဳက္က္ေပင္င္တဲု တှဟ္နေသၢာံဇှးေကတ္သှမာန္ သၵးေကတ္စကာ အေစာံစရာဲဇကုကႝု ျဒဟတ္ပေရင္စန္ဒက္တအ္ ဖအိုတ္အေစာံသီုညးဖအိုတ္ရ။

ဒပ္ပှာန္ဗၜးၐးေကာန္ဂကူမန္ပ႙ုဝြံ ဒုင္တဝ္ေစှဟ္ ထၸက္ဒဿံင္ပှာန္ ကႝုအလႝုအသ႘ပှာန္ဗဿာ မရပ္လဝ္ဝါဒေဖက္ေသတ္တအ္ရ။ ပု႙တအ္ ဂၜာဲသၛ႘ေကတ္ တင္ဍိဳန္လ်ယုတ္ေဒက္သှတအ္ လဿိဳန္အခိင္တဲု ကေလင္တဝ္ေစှဟ္ ဗတိုက္မာန္ဒဿံင္ သီုပေရင္ဍဳင္ကြာန္၊ သီုပေရင္ပှာန္ရ။ နသာ္ဂွ္ အေစာံစရာဲဗတိုက္ပှာန္ပ႙ုဂွ္ ေကက္သၠာကၜဳင္ ၐိုတ္ေထက္ႀကိဳက္ရ။ လတူသဇိုင္ဏအ္ ပ႙ုဆက္သၸလြ႘ပရာ ဂစာန္အာေဟင္ ဒပ္ပှာန္ပ႙ု ျဒဟတ္ေဇှာ္တိုန္သိုက္က္တဲု နကႝုပေရင္ဍဳင္ကြာန္ေလဝ္ ေဇှာ္ေမာဝ္ကၜဳင္ကုီေရာင္။ ဟိုတ္ဒွ္သာ္ဂွ္တဲု ဒပ္ပှာန္ဗၜးၐးေကာန္ဂကူမန္ မတဝ္ေစှဟ္ သြက္ဂကူမန္မြဲ ေသၢာံကတႝုဒွ္ကၜဳင္မာန္တဲု ညံင္ဂြံဇှးေကတ္ ေပါဲပှာန္ပၜန္ဂတးမာန္ဂွ္ သၵးသၢဳတ္ေဖ်ံလးလဝ္ ဂၜံင္တရဵ ပေရင္ကေမၜာန္ပှာန္ ဗြဲသဿဝ္ဝြံတအ္ရ။